Болгарның «Юнармия» штабыннан егетләрне армиягә озаттылар

Кичә Спас районы хәрби исәпкә алу өстәленең “Юнармия” бүлмәсендә көзге чакырылышның чираттагы призывникларын озаттылар.

Безнең районнан Кораллы Көчләр сафларына өч егет китте.

Призывниклар һәм аларның туганнары алдында районның яшьләр эше, спорт һәм туризм бүлеге җитәкчесе Әхтәм Вәлиәхмәтов чыгыш ясады.

Ул егетләргә лаеклы хезмәт итеп, исән-сау әйләнеп кайтуларын теләде.

Барлык призывникларга да истәлек бүләкләре һәм традицион тәңкәләр тапшырылды.