Болгарда мөселман зираты тәртипкә китерелә

Болгар шәһәренең мөселман зираты тәртипкә китерелә башлады. Хәзерге вакытта зират тирәсендә яңа койма баганалары куелган, шулай ук зират заманча тимер рәшәткәләр белән әйләндереп алыначак. Эшләр үзара салым хисабына Болгар халкының тырышлыгы белән башкарыла.

“Иске койма узган гасырның 50-60нчы елларында куелган. Шактый тузган иде. Тиздән заманча матур койма тотылып бетәргә тиеш.

Район башлыгы Фәргат Мөхәммәтовка, Болгар шәһәре мэры Алевтина Костинага ярдәмнәре өчен бик зур рәхмәт. Шулай ук эштә катнашучы спаслыларга, аеруча төзүче Айрат Хәйруллинга рәхмәт”, – ди Спас районы мөхтәсибәте имам-мөхтәсибе Фәрһад хәзрәт Минсәгыйр.