Болгарда «Яңа ел безгә килә» конкурсына йомгак ясалды

Болгарда шәһәр оешмалары һәм предприятиеләре арасында  территорияне иң яхшы бизәү буенча ел саен үткәрелә торган «Яңа ел безгә килә» конкурсына йомгак ясалды.

Конкурс оешмада эшләүче хезмәткәрләр саны буенча өч номинациядә үткәрелә: 10 кешегә кадәр, 10 кешедән 50 кешегә кадәр, 50дән һәм 100дән күбрәк кеше.
Жюри карары буенча 10 кешегә кадәр хезмәткәрләре булган оешмалар арасында I һәм II урыннар беркемгә дә бирелмәде, ә III урынны «Регата» балалар (яшүсмерләр) техник иҗаты станциясе һәм шәхси эшмәкәр Мөхәммәтова Гөлниса Ниязовна бүлеште.

10нан 50 кешегә кадәр эшләүче оешмалар арасында номинациядә I урын – «Колосок» балалар бакчасына, II урын – «Спас коммуналь челтәрләре» ҖЧҖнә бирелде, Спас районы өлкәннәр һәм инвалидлар йорты өченче урынга чыкты.

Хезмәткәрләр саны 50 һәм 100дән арткан оешмалар арасында беренче урынны 1нче шәһәр урта мәктәбе һәм Болгар музей-тыюлыгы бүлеште. Икенче урынны Спас тармак технологияләре техникумы һәм «Болгар икмәк кабул итү предприятиесе» җәмгыяте алды.

Җиңүчеләргә 20 000, 10 000 һәм 5 000 сумлык сертификатлар тапшырылды.