Болгарда һәлак булган су асты көймәчеләрен искә алдылар

Бүген Болгарда һәлак булган су асты көймәчеләрен искә алу тантанасы узды. Диңгезчеләр һәм элеккеге чик сакчылары диңгезчеләрнең Истәлек билгесенә чәчәкләр салдылар һәм һәлак булган су асты көймәчеләрен бер минут тынлык белән искә алдылар.

Исегезгә төшерәбез, Россиядә һәлак булган су асты көймәчеләрен искә алу көне ел саен 7 апрельдә билгеләп үтелә. Истәлекле көн РФ Хәрби-Диңгез Флоты Баш командующиеның 1995 елның 19 декабрендәге боерыгы белән 1989 елның 7 апрелендә К-278 «Комсомолец» атом су асты көймәсенең фаҗигасе истәлегенә билгеләнгән. Ул көнне Норвегия диңгезендә булган су асты көймәсендә чыккан янгын кысылган һава системаларының герметизациясен юкка чыгара.

Бу һәлакәт нәтиҗәсендә 42 диңгезче, шул исәптән су асты көймәсе командиры беренче ранг капитаны Евгений Ванин һәлак була. Коткару операцияләре экипаждан 27 кешене коткарырга мөмкинлек бирә, әмма 33 диңгезче әлегә кадәр Норвегия диңгезе төбендә кала.

Күрсәткән батырлыклары өчен «Комсомолец» экипажының 69 диңгезчесенә (42се һәлак булганнан соң) Кызыл Байрак ордены белән бүләкләнә. Һәлак булган диңгезчеләрнең исемнәре Николо-Богоявленск диңгез соборында мемориаль тактада мәңгеләштерелгән.

Һәлакәт сәбәпләрен тикшерү әлегә кадәр тәмамланмаган, ә субмарина корпусы Норвегия диңгезе төбендә бер ярым километрдан артык тирәнлектә ята.