Болгарда гражданнар оборонасы буенча күнегүләр уза

Быел җирле үзидарә органнары һәм оешмалары белән гражданнар оборонасы буенча штаб күнекмәләре район башкарма комитеты бинасына бомба эләккәндә башкарыла торган гамәләргә багышланды. Шулай ук район территориясендә кабул итү эвакуация пунктларын җәелдерү тикшерелде. Өйрәтүләр 3 октябрьдә 6 сәгатьтә башланып, 4 октябрьдә 18 сәгатьтә тәмамланачак.

Бар да план буенча

Чаралар билгеләнгән сценарий буенча узды. Иртәнге сәгать 6да эвакуация комиссиясе составына уку сигналы җиткерелә, соңрак күнегүләргә җәлеп ителгән предприятиеләр һәм оешмаларның тотрыклылыгын арттыру буенча комиссия утырышы узды. Аннары мәгълүмат җыюны һәм чараларның үтәлешен анализлауны тәэмин итүче контроль төркемнәрен җәелдерү һәм мәгълүматны эвакуация комиссиясе рәисе вазифасын башкаручы Михаил Шероновка җиткерү булды. 9 сәгатьтә вәзгыятьне җиткерү һәм бурычлар кую буенча киңәшмә узды. Шулай итеп, горгазга бомба һөҗүменә дучар булган объекттан газны сүндерергә, гадәттән тыш хәлләр министрлыгы хезмәткәрләренә янгыннарны сүндерергә һәм җимерекләрне сүтәргә, ЮХИДИгә – объектка юлларны ябарга, шәһәр электр челтәренә – электрны сүндерергә, оптторгка кием-салым һәм азык-төлек белән тәэмин итәргә һәм башка боерыклар бирелде. 

Эвакуация

Берникадәр вакыттан соң эвакуация буенча күнекмәләр уздырылды. Барысы да бергәләп эшләргә тырыштылар, Башкарма комитет бинасыннан запас чыгу юлы аша 3-4 минут эчендә чыгып киттеләр. Һәркемнең үзен белән мамык-марля бинтлары һәм су булырга тиеш иде. Саклау корылмасына бик тиз барып җитәргә кирәк иде.
Шул ук вакытта "Родничок" балалар бакчасында саклау корылмасына эвакуацияләүне тикшерү үткәрелде. 

Кабул итү эвакуация пунктлары

Башкарма комитет бинасына бомба эләгү белән бер үк вакытта безнең башкалада гадәттән тыш хәл килеп чыкканда Казан халкын урнаштыру буенча кабул итү эвакуация пунктларын җәелдерү тикшерелде. Хәрби операция башланганнан бирле, безнең район бу очракта бер кешегә 4 квадрат метр исәбеннән якынча 60 мең эвакуацияләнгәнне кабул итәргә тиеш (элек 6 мең генә иде). Шуңа күрә безнең 14 эвакуация пункты бар. Аларның Көек, Ямбакты һәм Әҗмәр авылларында урнашкан өчесе генә тикшерелде.

ФОТОРЕПОРТАЖ