Болгар кадетлары хәрби-гамәли спорт төрләре спартакиадасында катнаштылар

Болгар кадетлары Бөек Җиңүнең 80 еллыгына багышланган VI Республика хәрби-гамәли спорт төрләре спартакиадасында чыгыш ясадылар
Бәйгедә республиканың төрле кадет мәктәпләреннән 150 иң яхшы кадет чыгыш ясады.

Ярышларга берничә төр – интеллектуаль бәйге, хәрби-гамәли ярышлар, спорт нормативларын тапшыру һәм мәдәни программа кертелде.
Интеллектуаль бәйгедә кадетлар викторина сорауларына җавап бирделәр һәм илебезнең героик тарихы турында эссе яздылар.

Аннары катнашучылар АК-74 автоматын сүтеп-җыюда, саф белән йөрүдә көч сынаштылар.

“Җиңүчеләр юлы” хәрби-гамәли уенында исә егетләр үзләренең командада эшли белү сәләтен күрсәттеләр.

Безнең кадетларга җиңүче кубогы эләкмәсә дә, ярышларда катнашу аларга команда булып берләшергә, көчле көндәшләре белән үзләрен сынап карарга мөмкинлек бирде.