Алиментлар буенча сорауларны онлайн бирергә мөмкин

Алимент түләү буенча сораулары булган кешеләр Татарстан Республикасы суд приставлары хезмәтенә онлайн мөрәҗәгать итә ала. Бу хакта ТР Суд приставлары хезмәтенең баш идарәсе матбугат хезмәте хәбәр итә.

Онлайн кабул итү һәр атнаның җомга көнендә була. Бу атнада халык сорауларына видеоконференция режимында Татарстан Республикасы өлкән суд приставы Әнвәр Закиров җавап бирәчәк.

Кабул ителүгә язылу өчен суд приставларының теләсә кайсы бүлегеннән мөрәҗәгать итәргә мөмкин. Шулай ук 8(843)514-92-21, 8(843)514-92-02 телефоннары яки суд приставлары хезмәтенең социаль челтәрләре аша язылырга мөмкин.