Йөз дә өч яше белән котладылар

автор, 7 июнь 2017 - 07:40

826

Урта Йорткүл авылында яшәүче Мәрьямбану апа Мәрдиевага күптән түгел 103 яшь тулды.

Аны туган көне белән котларга район башлыгы Камил Нугаев килгән иде. Ул аңа котлау открыткасы, чәчәкләр бүләк итте һәм азык-төлекләр тутырылган пакет тапшырды. Мәрьямбану апаны шулай ук район ветераннар советы рәисе Татьяна Бурумова, Урта Йорткүл авыл җирлеге башлыгы Гөлинә Кәримуллина, социаль яклау бүлеге вәкилләре, туганнары, якыннары котлады. Алар барысы да Мәрьямбану апага нык сәламәтлек һәм тормыштан ямь табып яшәвен теләделәр. Үз гомерендә күпне күргән һәм кичергән ветеран хәзерге тормышыннан бик канәгать.