Язгы чакырылыш башланды

автор, 7 апрель 2017 - 08:46

807

Чираттагы язгы чакырылыш вакытында безнең районнан егермегә якын егет Россия Кораллы Көчләренә хезмәт итәргә китә.

Призывникларның беренче партиясен җибәрү апрельнең өченче ункөнлегенә билгеләнгән, ә 10 апрельдән 12сенә кадәр график нигезендә төрле чаралар үткәрү күздә тотыла. Армиягә китүчеләр өчен башта "Олимп" спорт комплексында медицина тикшерүе оештырыла, әңгәмә үткәрелә.

Быелгы кампаниядә бер генә яңалык бар - хәзер чакырылыш комиссиясе рәисе итеп - район башлыгы, ә резерв составы рәисе итеп башлык урынбасары билгеләнә. Барлык егетләргә "Позвони маме" льготалы тарифка тоташтырылган сим-карталар биреләчәк, ә телефонга беренче 100 сум Татарстан Республикасы бюджеты исәбенә салына.

Элеккечә үк, чакырылыш пунктында егетләргә кәрәзле телефоннар бирәчәкләр.

Фото: https://armyhelp.ru/prizyiv-v-armiyu-v-2017-godu/osennij-prizyv-2016