“ТАТМЕДИА” җәмгыяте бүген туган көнен билгеләп үтә

«Татмедиа» АҖ 2007 елның 1 октябрендә Татарстанның беренче Президенты Минтимер Шәймиев указы нигезендә барлыкка килә.

Бүгенге көндә “ТАТМЕДИА” медиахолдингы Татарстанның 160 артык язма басмасын берләштерә. Алар арасында йөзләгән район, республика һәм шәһәр газеталары, 20 журнал, 30лап телеканал, басмаларның электрон сайтлары һәм “Татар-информ” мәгълүмат агентлыгын берләштерә. Идел буеның иң зур полиграфия комплексы “Идел-пресс” шулай ук “ТАТМЕДИА” составына керә.

“ТАТМЕДИА” рус, татар, удмурт, чуаш телендә газета-журналлар чыгара.

Традицион мәгълүмат чаралары белән беррәттән, «Татмедиа» җәмгыяте Instagram, Telegram, YouTube, TikTok, ВКонтакте, Одноклассники, Facebook, Twitter, Whatsapp кебек социаль челтәрләрдә, мессенджерларда һәм видеохостингларда да популярлык казанды.

“ТАТМЕДИА” АҖ филиалы «Новая жизнь» («Яна тормыш») газетасы коллективы медиахолдинг басмаларында эшләүче барлык хезмәттәшләрен бәйрәм белән котлап, нык сәламәтлек, иҗади уңышлар тели.