Татарстанга җылы килә

Киләсе атнада Татарстанда +5 градуска кадәр җылытачак. Бу хакта республика Гидрометеорология үзәге хәбәр итә. 

Синоптиклар фаразлавынча, иртәгә төнлә һәм иртән томан төшәчәк. Юлларда бозлавык саклана. Һава температурасы төнлә нульдән 10 градуска кадәр, көндез +2дән +3 градуска кадәр тәшкил итәчәк. 

20 һәм 21 мартта, шимбә һәм якшәмбе көннәрендә, бераз кар явар, дип көтелә. Аерым районнарда буран чыгарга мөмкин. Температура төнлә -4тән -11 градуска кадәр булачак. Көндез +1... -4 градуска кадәр җылыначак.

Метеорологларның башлангыч мәгълүматларына караганда, дүшәмбе һәм сишәмбе, 22 һәм 23 мартта, Татарстан территориясендә яңадан кар көтелә. Һава температурасы 22се көнне 0... +3 градуска кадәр, 23е көнне 0... +5 градуска кадәр җылыначак.