Спас районының иң яхшы ел укучылары билгеле булды

"Ел укучысы-2015" конкурсында 2нче урта мәктәпнең 8 һәм 10 клсс укучылары Виктория Курсина белән Ангелина Сәетова җиңде.

Конукрс урта һәм өлкән класслар арасында үткәрелде. Унҗиде кешедән финалга тугыз укучы чыкты. Алар жюри игътибарына визит карточкаларын тәкъдим иттеләр, интеллектуаль уенда катнаштылар һәм иҗади проект якладылар. Виктория һәм Ангелина барлык биремнәрне дә уңышлы үтәделәр.

Елизавета Абасева (6 клсс, Иж-Борискино), Анастасия Тарынчева (8 класс, санаторий мәктәбе), Алия Хәмидуллина (9 класс, Иске Рәҗәп), Людмила Павлычева, Артем Филимонов ((10 класс, Никольск), Ирина Осипова һәм Александр Яковлев (11 класс, Полянка, 2нче мәктәп) төрле номинацияләрдә призер исемен алдылар.