Спас районы профсоюзларының иң яхшы хезмәткәрләренә бүләкләр тапшырдылар

Кичә Спас районы хакимиятенең актлар залында район профсоюзларының иң яхшы хезмәткәрләрен бүләкләделәр.

Район башлыгы Фәргат Мөхәммәтов һәм РФ Дәүләт учреждениеләре һәм иҗтимагый хезмәт күрсәтү хезмәткәрләре профсоюзының Татарстан республика оешмасы рәисе Ольга Калашникова район оешмаларының 7 рәисен актив җәмәгать эшләре өчен Профсоюз республика комитетының Мактау грамоталары белән бүләкләделәр.

Мактау грамоталары "Болгар урманчылыгы" ДКУ җитәкчесе урынбасары, урманчы Евгений Мулиновка, «Олимп» спорт мәктәбе директоры урынбасары Замирә Нургалиевага, Спас районы халыкны эш белән тәэмин итү үзәгенең өлкән инспекторы Елена Разинага, «Рассвет» социаль үзәге директоры урынбасары Марина Янышевага, Полянка авыл җирлеге секретаре Гөлнара Шевченкога, «Олимп» спорт мәктәбе директоры Илнур Сәгыйровка һәм «Рассвет» үзәге директоры Светлана Гыйбадуллинага тапшырылды.

Алар барысы да үз оешмаларында профсоюз ячейкаларын җитәкли яки профсоюз эшчәнлегендә актив катнаша.

Шулай ук намуслы хезмәте һәм Татарстан Республикасында җирле үзидарә органнарын үстерүгә зур өлеш кертүе өчен кадрларны исәпкә алу буенча баш белгеч Надежда Прокудинаны Министрлар Кабинеты Рәхмәт хаты белән бүләкләделәр.