Россиядә май яллары ун көнгә кадәр озайтылырга мөмкин

Россиядә май бәйрәмнәренең дәвамлылыгын Яңа ел каникуллары кебек итәргә тәкъдим ителде. Инициатива РФ Дәүләт Думасында «Новые люди» партиясеннән депутат Владислав Даванковтан чыга, дип хәбәр итә "Известия"гә сылтама белән Татар-информ агентлыгы.

Парламентарий фикеренчә, ял көннәренең санын арттыру барлык бакча эшләрен вакытында башкарып чыгарга мөмкинлек бирәчәк. Ә бу, үз чиратында, кешеләрне үзләре үстергән табигать җимешләре белән тәэмин итәчәк. Моннан тыш, озын яллар гаилә белән күбрәк вакыт үткәрергә мөмкинлек бирә. Болар барысы да халыкка уңай тәэсир итәчәк, дип саный депутат.

Исегезгә төшерәбез, Россиядә май бәйрәмнәренә ял көннәре 1-3 май һәм 7-10 май чорларына туры килә.