Полянка мәктәбендә хәйрия ярминкәсе узды

Полянка мәктәбендә хәйрия ярминкәсе булды. Традицион чара Өлкәннәр көне алдынан ел саен уздырыла. Укучылар үз куллары белән ясаган әйберләр һәм тәм-томнар белән сату итәләр.

“Ярминкәгә һәр укучы нәрсә дә булса алып килде. Нәрсә генә юк иде – камыр ризыклары, төрле тортлар, башка әйберләр. Һәр класс үз продукциясе белән сату итте” – дип сөйли мәктәп директоры Евгений Мошков.

Ярминкә барышында җыелган акча авылда яшәүче өлкәннәргә бүләкләр сатып алуга тотылачак.