Әхтәм Вәлиәхмәтов ГТОның 90 еллыгы медале белән бүләкләнде

7 июньдә Татарстан Республикасының Спорт министрлыгында «Хезмәткә һәм оборонага әзер бул!» Бөтенроссия физкультура-спорт комплексын тормышка ашыру буенча узган киңәшмәдә Татарстан Республикасы Пенсионерлар союзы белән хезмәттәшлек итү турындагы килешүгә кул куелды.

Киңәшмә кысаларында Бөтенроссия физкультура-спорт комплексын тормышка ашыруга үзләреннән зур өлеш кертүчеләргә ГТОның 90 еллыгы медальләре тапшырдылар. Мондый билге белән Спас районының яшьләр эше, спорт һәм туризм бүлеге җитәкчесе Әхтәм Вәлиәхмәтов та бүләкләнде.

Спас районына шулай ук «Минем ГТОга юлым» балалар проекты конкурсының «Кул эшләре» номинациясендә беренче урын алган өчен диплом һәм истәлек бүләге тапшырдылар.