Хатын-кызлар сынатмады!

Конкурста Спас һәм Әлки районнары буенча иминлек профилактикасы бүлеге җитәкчесе Айгөл Вафина катнашты. 
Инде традициягә әверелгән бу ярышлар программасына компьютерда юл хәрәкәте кагыйдәләре буенча белемнәрне тикшерү, машинаны оста итеп йөртү буенча бәйгеләр керде. Икенче урынга – Суфия Пахомова, өченче урынга Гөлниса Мөхәммәтова чыкты. Башка номинацияләрдә Лилия Хәйруллина, Илүсә Сафина һәм Елена Камаева үзләрен яхшы яктан күрсәтте. 
Спас районы буенча ЮХИДИ бүлеге җитәкчесе вазифасын башкаручы Алексей Терехин билгеләп үтүенчә, районыбыз хатын-кызлары юлларда игътибарлы, тәртипле йөриләр. 
Конкурста катнашучыларның барысына да дипломнар, кыйммәтле бүләкләр тапшырылды.