Казан-Болгар маршрутына июль аенда яңа «Метеор-2020» чыгарга мөмкин

Казан-Болгар маршрутында быел июль ахырында ук яңа суднолар җибәрелергә мөмкин. Бу хакта Татар-информ брифингында «Флот РТ» АҖ генераль директоры Роман Лизалин белдерде.

Әңгәмәдәш сүзләренчә, компания июнь аенда яңа "Метеор-2020" алган. Әлегә документларны һәм кирәкле лицензияләрне рәсмиләштерү процессы бара. Шуннан соң су транспортын гамәлгә кертү һәм команданы өйрәтү процессын башлау планлаштырыла. Бу июль уртасыннан да иртәрәк булмаячак дип фаразлана. Рейсларны Казан-Болгар-Казан маршруты буенча сынап карау планлаштырыла.

Белешмә өчен, «Метеор-2020» тиз йөрешле судноларын Яшел Үзәндә чыгаралар. Судно 124 пассажирны йөртә ала. Хәзерге вакытта А.М. Горький исемендәге завод стапельләрендә икенче «Метеор-2020» төзелә.