Болгарның үзәк китапханәсендә яңа күргәзмә ачылды

8 Март алдыннан Болгарның үзәк китапханәсендә ачылган күргәзмә «Язгы кәеф» дип атала һәм Спас районында яшәүче барлык хатын-кызларга багышлана.

Бу гүзәл хатын-кызларны дөньяның күп кенә илләрендә билгеләп үтелүче хатын-кызлар бәйрәме белән үзенчәлекле котлау.

Күргәзмә экспозициясендә Россия һәм чит ил авторларының төрле жанрдагы китаплары урын алган. Әмма аларның барысын да бер нәрсә берләштерә – барлык китаплар хатын-кызларга багышланган.