Болгарның беренче мәктәбе укучылары район судында булдылар

Болгардагы беренче мәктәпнең унберенче сыйныф укучылары район судында экскурсиядә булдылар. Чара "Адан Яга кадәр" профориентация юнәлешен бирү буенча республика судлары һәм мәктәпләр арасындагы хезмәттәшлек кысаларында оештырылды.

Укучыларга суд бинасы бүлмәләрен күрсәтеп чыктылар.  Шулай ук укучылар суд тарихы музеенда һәм суд утырышлары залында булдылар. Унберенче классларга судья эше, суд практикасы тарихы турында сөйләделәр, кызыксындырган сорауларга җавап бирделәр.