Болгар музей-тыюлыгында Пушкин туган көненә багышланган чара узды

Кичә Болгар музей-тыюлыгы хезмәткәре Гөлия Мусина “Родничок” балалар бакчасына йөрүче нәниләр өчен бөек шагыйрь һәм язучы Александр Сергеевич Пушкин туган көненә багышланган чара уздырды.

Чара барышында балалар шагыйрьнең тормыш һәм иҗаты турында күп яңа мәгълүмат алдылар. Шулай ук бөек язучы әсәрләреннән өзекләр белән таныштылар.

Пушкин әкиятләренә нигезләнгән викторинада барысы да теләп катнашты, берсеннән-берсе уздырып үз җавапларын бирделәр. Шулай ук нәниләр бергәләшеп пазллар җыйдылар, төрле уеннар уйнадылар.

Кызыклы чара Спас өязе дворяннары музеена экскурсия белән тәмамланды. Музей-тыюлыкка сәяхәт барысында да онытлмас тәэсирләр һәм истәлеккә сувенирлар калдырды.

ФОТО