Болгар балалар иҗат йортында сәламәтлек чарасы узды

Балалар иҗат мәктәбе педагоглары Ольга Сәетова белән Ольге Карпченкова “Развивайка” берләшмәсенә йөрүче нәниләр өчен Сәламәтлек көненә багышланган күңелле чара уздырдылар.

Эстафеталарда һәр бала үзенең җитезлеген һәм тапкырлыгын күрсәтә алды. Алар сәламәтлек өчен файдалы һәм зыянлы ризыкларның исемнәрен атадылар, шәхси гигиена әйберләре турында белемнәрен күрсәттеләр.

«Мондый чаралар балаларны сәламәтлекнең әһәмиятен аңларга, аларда файдалы гадәтләр тәрбияләргә ярдәм итә», – ди бу хакта тәрбиячеләр.

Чара ахырында һәр балага татлы бүләк тапшырдылар.