Балалар иҗат йортыннан сәламәтлеге чикле балалар Казанга барып, театрда "Яңа ел уенчыкларының серләре" дигән спектакль карадылар.
Аннары күңел ачу әкият геройлары һәм Яңа ел персонажлары җыелган бәйрәм чыршысы янында дәвам итте. Тамаша ахырында һәр балага бүләк тапшырдылар.
Бу сәяхәткә ятим һәм инвалид балалар "Наз" региональ хәйрия фонды ярдәме белән бардылар. Фонд чакыруы буенча балалар инде берничә тапкыр зоопаркта, курчак театрында, яшь тамашачылар театрында, циркта, милли музейда булдылар, теплоходта сәяхәт иттеләр. "Тылсымчылар" акциясе белән Яңа ел тамашасы исә иң истәлекле һәм мавыктыргыч хатирәләрнең берсе булып кала. Аның барышында балаларга инде чаңгы, тимераяк, туплар, курчаклар, самокатлар һәм алар теләгән бик күп башка уенчыклар бүләк иттеләр.
Безнең социаль челтәрләр:
ВКонтакте Одноклассники Telegram
Реклама бүлеге телефоны 8(843)47-30-0-02.
Нет комментариев