Никольск фермерлары узган ел 450 000 сумнан артык субсидия алган

Кичә Спас районы администрациясендә узган дүшәмбе киңәшмәсендә Никольск авыл җирлеге башлыгы Евгений Синицин 2021 елда икътисадый һәм хуҗалык эшчәнлеге нәтиҗәләре турында сөйләде.

Никольск авыл җирлеге хәзерге вакытта районда иң зур һәм иң алга киткән авылларның берсе булып тора. Әмма аларның да кыенлыклары җитәрлек. Евгений Анатольевич, башка авыллардагы кебек, Никольскидан да халыкның китүенә басым ясады.

«Безнең җирлектә балалар яшәгәннән күбрәк теркәлгән. Бездә теркәлгән, әммә авылда яшәмәүче өлкәннәр дә җитәрлек. Шуңа күрә милеккә салымнар буенча бераз недоимка бар, чөнки без бу кешеләрнең кая яшәүләрен дә белмибез», – дип зарланды Синицин.

Шул ук вакытта, җирлек башлыгы сүзләре буенча, авылда яшәү өчен барлык шартлар тудырлган. Электр, су, газ үткәрелгән, зур мәктәп, балалар бакчасы бар, мәдәният йорты халык өчен даими рәвештә төрле чаралар оештыра. Кибет, ФАП, берничә фермер хуҗалыгы эшли.

Хәзерге вакытта кыр эшләре бара, басуларны тукландыра башлаганнар.

Мөгезле эре терлек, кош-корт, дуңгыз асраучы шәхси хуҗалыклар да җитәрлек.

«Авыл хуҗалыгы һәм шәхси хуҗалыкларга чыгымнарны каплау өчен субсидияләр бирелә.  Мәсәлән, узган ел 450 мең сумнана артык субсидияләр җибәрелде», – дип сөйли җирлек башлыгы.

Шулай да бүгенге көндә Никольск авыл җирлегенең иң зур проблемасы – Бизнә елгасында ишелгән дамба.  Аны тәртипкә китерү өчен 20 миллион сумнан артык кирәк, җирлекнең андый акчасы юк.

«Дамбалары булган җирлекләр аларның халәтен тикшереп, кирәк булса, вакытында тәртипкә китерегез.  Ишелгәнен көтеп тормагыз. Ремонт ясау яңадан төзүгә караганда күпкә арзанрак төшә», – дип мөрәҗәгать итте җирлек башлыкларына район башлыгы Фәргат Мөхәммәтов.