Бөек Ватан сугышында Җиңүнең 70 еллыгы белән котлау

"Россия Саклык банкы" ААҖ "Банк Татарстана" бүлеге һәм шәхсән үземнең исемнән Сезне чын күңелдән Бөек Ватан сугышында Җиңүнең 70 еллыгы белән тәбрик итәм!

Җиңүне яулау бик авыр булды. Сугышның беренче көннәреннән кулына корал тотып фашист илбасарларына каршы көрәшкән, тылда фидакарь хезмәте белән җиңүне якынайткан халкыбыз белән без чын күңелдән горурланабыз. Мохтаҗлык кичереп тә, акчаларын Оборона Фондына, Кызыл Армия Фондына күчергән Татарстан халкы да олы хөрмәткә лаек.

Кадерле ветераннар, сез безнең өчен мәңгегә чын батырлык, Ватанга чиксез мәхәббәт үрнәге булып торасыз. Сезгә чын күңелдән нык сәләмәтлек, күңел күтәренкелеге, иминлек телибез.

"Россия Саклык банкы" ААҖ "Банк Татарстана" бүлеге идарәчесе Сәхбиев Рушан.