Мясников: Россиядә коронавирус эпедмиясенең өченче дулкыны башланды

Россиядә коронавирус эпидемиясенең өченче дулкыны башланды. Бу хакта табиб һәм телевидениедә тапшырулар алып баручы Александр Мясников әйтте, дип хәбәр итә «Татар информ” агентлыгы. 

Аның сүзләренчә, өченче дулкын «алдан фаразланган иде».

«Чирләүчеләр саны өч ай артты, аннары өч ай кимеде, аннары чирләүчеләр саны тагын өч ай арта», — дип аңлатты telegramда Мясников. Табиб фикеренчә, коронавирус белән авыручылар саны тагын өч ай артачак, аннары кимиячәк, ә көзен тагын үсеш булачак».

Хәзер, шәхси профилактика чараларын үтәүдән тыш, вакцинация узарга кирәк, дип ассызыклады табиб.